Kisukari na Uume Kutosimama

Inakadiriwa kwamba asilimia 35-75 ya wanaume wenye kisukari watapata tatizo la kutosimamisha uume kwa kiasi fulani katika maisha yao. Tatizo hilo huwapata miaka 10 hadi 15 mapema zaidi ya wale wasio na kisukari.

  • Tatizo linaweza kuwa kushindwa kabisa kusimamisha uume au uume kushindwa kuendelea kusimama wakati wa kufanya mapenzi
  • Kusimamisha uume inahitaji mishipa ya damu na ya fahamu yenye afya, homoni za kiume na hisia za mapenzi.
  • Sababu za uume kutosimama huchangiwa na kuharibiwa kwa mishipa ya damu, mishipa ya fahamu na misuli ya uume kutokana na kiwango kikubwa cha sukari kwenye damu.
  • Ukipata tatizo hili muone daktari maana yeye ndiye atakayejua tiba sahihi kulingana na afya yako na uwezo wako wa kuhimili tiba.
  • Kula vizuri, kuacha matumizi ya pombe na sigara, kufanya mazoezi, kupata usingizi wa kutosha na kupunguza msongo wa mawazo husaidia kuzuia tatizo hilo.

6 thoughts on “Kisukari na Uume Kutosimama

    1. Kuna njia kadhaa za kujiepusha na kisukari ingawa kuna mambo usiyoweza kuyabadili kama umri, vinasaba(genes) na madhara yaliyosababishwa Tayari kutokana na tabia ulizokua ukizifanya miaka ya nyuma .
      Njia mbalimbali zaweza kuwa kama
      •Punguza matumizi ya sukari na nafaka zilizokobolewa kwenye chakula chako, pendelea zaidi mlo wenye kiwango kidogo cha wanga
      •Fanya mazoezi mara kwa mara na punguza kazi zinazohusisha kukaa kwa muda mrefu.
      • Pendelea kunywa maji kama kinywaji chako cha kwanza.
      •Punguza uzito kama uzito wako Umezidi hasa kama una kitambi.
      • Acha kutumia sigara kama ni mtumiaji.

  1. Dr. Beata you elaborate very clearly. Ila kuna changamoto kubwa sana ya kujiepusha na athari hizii za kisukari. Je kisukari ni ugonjwa unao rithishwa??

    1. Kisukari ndiyo huwa ni tatizo la kurithi ambapo huhusisha vinasaba(genes) kutoka kizazi kimoja hadi kingine. Ila vinasaba peke yake havifanyi mtu aanze kuonesha dalili mpaka kugundulika na ugonjwa kabisa.

      Mazingira huwa ni kichocheo juu ya tatizo hili mfano ulaji mbovu wa vyakula, kufanya shughuli zinazohususha kukaa kwa muda mrefu, kuwa na uzito mkubwa hasa kitambi, uvutaji wa sigara.
      Asante sana.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.