Ujue ugonjwa wa Kisonono (Gonorrhoea), dalili zake na kinga.

Kisonono ni ugonjwa gani??

Kisonono ni moja ya ugonjwa kati ya magonjwa ya zinaa unaosababishwa na bakteria aina ya Neisseria gonorrhoeae, bakteria huyu hukua nakuzaliana kwa haraka kwenye maeneo yenye unyevu unyevu na joto mwilini kama sehemu ya ndani ya uke, kwenye shingo ya uzazi wa mwanamke (cervix), nyumba ya uzazi (uterus), mirija ya kupitisha mayai (fallopian tube) mdomoni, kwenye puru (njia ya haja kubwa), pamoja na kwenye mirija ya kupitishia mkojo na shahawa (urethra).

Kisonono huambukizwaje?

Ugonjwa huu huambukizwa kwa kufanya ngono isiyo salama na mtu mwenye ugonjwa huu. Kisonono huweza kuambukizwa kwa kujamiiana kupitia njia ya kawaida (uke na uume), ngono ya mdomoni (oral sex), pamoja na ngono ya haja kubwa (anal sex).

Zipi ni dalili za kisonono?

Dalili za kosonono hutokea kati ya siku 2 mpaka 10 baada ya kujamiina na muathirika wa ugonjwa huu. Ila kuna wakati inaweza chukua mpaka siku 30 ndo dalili kuonekana, mara nyingi wanaume hua wanawahi kupata dalili hizi kuliko wanawake.

Dalili za kisonono kwa mwanaume:

  1. Kutokwa na majimaji meupe (usaha) au ya kijani kwenye njia ya mkojo (urethra discharge)
  2. Maumivu ya kuchoma choma na kuungua wakati wa kukojoa (burning sensation)
  3. Maumivu ya korodani na wakati mwingine kuvimba
  4. Kama maambukizi yapo kweye puru huambatana na maumivu wakati wa kujisaidia haja kubwa ambapo mda mwingine damu inaweza onekana kwenye haja, pia muwasho wa njia hii.
  5. Maumivu ya kuchoma kooni (hii hutokana na maambukii kwa njia ya ngono ya mdomoni)
  6. Kuvimba kwa tezi za kooni (maambukizi kwa ngono ya mdomoni)

Dalili za kisonono kwa mwanamke:

  1. Kutokwa na majimaji ya njano au meupe ukeni (usaha)
  2. Maumivu ya tumbo chini ya kitovu
  3. Kutokwa na damu ukeni kabla ya siku za hedhi
  4. Kutokwa na damu baada ya kujamiiana
  5. Maumivu ya kuchoma kooni (hii hutokana na maambukii kwa njia ya ngono ya mdomoni)
  6. Kuvimba kwa tezi za kooni (maambukizi kwa ngono ya mdomoni)
  7. Kama maambukizi yapo kweye puru huambatana na maumivu wakati wa kujisaidia haja kubwa ambapo mda mwingine damu inaweza onekana kwenye haja, pia muwasho wa njia hii.

Je tiba sahihi ya kisonono ni ipi??

Magonjwa mengi ya zinaa huwa na dalili za kufanana hivyo kwa tiba sahihi ya ugonjwa huu unashauriwa kwenda hospitali au kituo cha afya kwa ajili ya vipimo na dawa sahihi ya ugonjwa husika. Si vizuri kwenda kwenye maduka ya madawa moja kwa moja bila kwenda hospitali kwa sababu endapo utapewa dawa au dozi isiyo sahihi kuna hatari ya ugonjwa huu kua sugu.

Endapo sitatibiwa kisonono ni nini athari zake?

  1. Kisonono kisipotibiwa husababisha utasa kwa mwanamke na kwa mwanaume na kupotea uwezo wa kuzaa na kuzalisha.
  2. Huweza kuathiri valvu za moyo, ubongo na ngozi.
  3. Huweza kushambulia viungo vya mwili (inflammation of joints)
  4. Kwa wanawake wajawazito ugonjwa huu huongeza athari za kuzaa kabla ya muda (kabla ya miezi tisa), kupata mtoto njiti, pia wakati wa kujifungua mama mwenye ungonjwa huu anaweza muambukiza mtoto wake na hivyo mtoto anaweza kupata athari kama ugonjwa wa homa ya uti wa mgongo, upofu na homa ya mapafu.

Je nifanye nini ili nijikinge na ugonjwa wa kisonono?

  1. Kua na mpenzi mmoja na muwe waaminifu
  2. Tumia kondomu wakati wa kujamiiana.
  3. Nenda na mwenzi wako uliyejamiiana nae kutibiwa
  4. .Kwa wanawake wajawazito ni muhimu kuhudhuria kliniki kwa ajili ya vipimo na matibabu

11 thoughts on “Ujue ugonjwa wa Kisonono (Gonorrhoea), dalili zake na kinga.

  1. Well i have a question on the case of genital warts. When a person is diagnosed with these genital warts what is he or she supposed to do. And what is the medications in case they keep reappering again and again especially for women when they reappear internally??

    1. you are advised to visit a doctor when you have warts,treatment can be done to releive the symptoms and reduce the bulkness of the warts,there are medications which can be prescribed to help with the condition,sometimes even surgery is neccessary, though it must be known that viruses can not be cleared from the body so they may reccur.

    2. Warts hizi husababishwa na Human Papiloma Virus (HPV).
      Husababishwa na kuwa na wapenzi wengi, ukijamiana nao basi kuna uwezekano wakupata hili tatizo.
      Kimsingi huwa hakunaga dawa, lakini wakati mwingine warts zinaweza zikaisha zenyewe.
      Lakini hizi warts zinaweza zikasababisha cancer ya kizazi kwa mwanamke.
      Byee

  2. Aisee, japo hatupendi kukumbana na magonjwa ya aina ni vyema mnatoa elimu yake ili nasi tuwafundishe wengine ambao hamtawafikia… Nina swali moja rahisi tu

    Je kwanini dalili za ugonjwa huu huonekana haraka zaidi kwa wanaume kuliko wanawake?

    1. Asante kwa swali zuri Charles.
      “Ugonjwa huu wa kisonono huonekana haraka kwa wavulana kuliko wasichana kwa sababu kuu mbili..
      1. moja kati ya dalili ya ugonjwa huu nimaumivu wakati wa kukojoa. kwa mwanaume njia ya kutolea manii na njia ya mkojo ni moja hvyo ikishambuliwa ni rahisi kupata maumivu kuliko kwa wanawake kwa sabab kwao njia ya mkojo na njia ya uzazi ziko tofauti..
      2. maji maji yanayozalishwa na ugonjwa huu kwa mwanamke hushindwa kutofautishwa na maji maji ya kawaida yanayozalishwa kwa mwanamke. ila kwa wavulana kwa sababu kwa kawaida hauzalishi maji maji.Hivyo yakitokea ni rahisi kugundulika mapema.

      1. Good. Addition, tukumbuke mwanaume anatumia njia moja yakukojoa na kutolea manii, lakini mkojo ni sumu, na ukipita kwenye mrija wa mkojo kama kuna vidonda, lazima uume.

      2. Good. Addition, tukumbuke mwanaume anatumia njia moja yakukojoa na kutolea manii, lakini mkojo ni sumu, na ukipita kwenye mrija wa mkojo kama kuna vidonda, lazima uume.

Leave a Reply

Your email address will not be published.

This site uses Akismet to reduce spam. Learn how your comment data is processed.