fangasi za kwenye mdomo.

 

Tatizo la fangasi mdomoni linatokana na kukua kwa fangasi aina ya candida albicans ambao husababisha muwasho na hali kama ya kuungua mdomoni,kusikia ladha kama ya chuma  ikiambatana na weupe fulani kwenye mdomo au ulimi ambao unabanduka ukiukwangua.

Zifuatazo ni sababu zinazoweza kupelekea kupata fangasi mdomoni.

  • Matumizi ya muda mrefu ya dawa za kuua bakteria(antibiotics)
  • Kuwa na tatizo la kukaukiwa na mate mdomoni(xerostomia)
  • Ukosefu wa baadhi ya virutubisho na madini mwilini kama madini chuma,na vitamin kadhaa.
  • Kuwa mjamzito,wazee wenye umri mkubwa,au watu wenye utapiamlo.
  • Matumizi ya tumbaku,ugoro na kuvuta sigara
  • Kuwa na meno bandia ambayo hayakai vizuri mdomoni(Ill fitting dentures)
  • Kushiriki ngono kwa njia ya mdomo(oral sex) na mtu ambaye ana fangasi kwenye via vya uzazi.
  • Kuwa na magonjwa sugu kama kisukari hasa kwa wale ambao hawafatilii vizuri matibabu ya ugonjwa huu.
  • Kuwa na magonjwa yanayoshambulia kinga ya mwili kama virusi vya UKIMWI
  • Kufanyiwa matibabu ya mionzi(RADIATION THERAPY)
  • Watoto wachanga wanaweza kuwa na fangasi hizi ambazo huonekana kama utando mweupe mdomoni mara nyingi huwa wanapona wenyewe,lakini pia inawezekana kabisa wakapata fangasi kutoka kwenye ziwa la mama kama lina maambukizi.

Endapo una tatizo hili fanya yafuatayo.

  • Endelea kufanya usafi wa kinywa vizuri kwa kupiga mswaki  angalau mara mbili kwa siku.
  • Tunza vizuri meno yako bandia kama ulivyoelekezwa.
  • Unaweza kujaribu kusukutua na maji ya uvuguvugu yenye chumvi kwa siku tatu.
  • Ongeza matumizi ya vyakula aina ya maziwa mtindi na yoghurt hizi husaidia kupambana na fangasi.Pia kula mlo kamili(balanced diet)
  • Epuka tabia zinazoweza kukusababishia kupata fangasi mdomoni kama zilivyoelezwa hapo juu.
  • Nenda hospitali kupatiwa msaada wa kitaalamu kutoka kwa wataalamu wa kinywa na meno au madaktari bingwa wa koo,pua na masikio(ENT specialists).

Kuwa na fangasi kwenye mdomo kunaweza kusababisha mdomo kutoa harufu mbaya na hata kubadilisha ladha ya chakula uonapo dalili au kuhisi kuwa una fangasi mdomoni usisite fika hospitali kupatiwa msaada kwani fangasi hizi zinaweza kusambaa na kufika maeneo mengine hasa kwenye koo la chakula hivo kusababisha matibabu kuwa shida zaidi,wahi mapema kupata matibabu.

 

 

22 thoughts on “fangasi za kwenye mdomo.

  1. Daktari mambo yako ni mazuri sana unayotupatia, baada ya elimu hii natumaini wengine tutabadili mienendo ya maisha yetu. Mbarikiwe sana Daktari Mkononi

    1. Fangasi zinapojirudia unashauriwa kurudi tena hospitali ili kupatiwa matibabu,inashauriwa kutafuta chanzo cha fangasi hizo kama ilivoelezwa kwenye mada,ukikijua unakishughulikia,lakini kutibu fangasi peke yake tu haisaidii sana hasa zikiwa zinajirudia,nikushauri nenda tena hosptali na fatilia matibabu yako huku ukishirikiana na daktari wako kutafuta chanzo cha hizo fangasi.

    2. je ume fanikiwa kupata tiba ya fangasi ?
      Na wame kusumbua kwa mda gani na mim numuanga wa ayo mambo nsaidie kama ume pata dawa

      1. Fawa zipo nyingi frank,za kupaka na zingine za kunywa inategemeana na hali ya mgonjwa na maamuzi ya daktari wake,ila fangasi zinapona kabisa na zinaisha labda kuwe na magonjwa mengine ambayo nayo yakitambuliwa yanatibiwa na fangasi zinapona.

Leave a Reply

Your email address will not be published.

This site uses Akismet to reduce spam. Learn how your comment data is processed.

Top Posts & Pages

Recent Comments

CATEGORIES

Ratiba ya Wiki Hii

Jumatatu: Afya ya mtoto
Jumanne: Magonjwa yasiyo ya kuambukiza
Jumatano: Magonjwa ya Dharura na Magonjwa mengine
Alhamisi: Lishe na Mazoezi
Ijumaa: Ujauzito na Magonjwa ya Wanawake
Jumamosi: Afya ya uzazi
Jumapili: Magonjwa ya kuambukiza

POST REVIEWERS

Afya ya mtoto: Dr. Julieth Joseph
Afya ya Kinywa na Meno: Dr. Baraka Kileo
Famasia: Pharm. Hans Nniko
Sexual Health Dr. Deogratius Mtei
Lishe na Mazoezi: Dr. James Hellar
Magonjwa ya Dharura: Dr. Kilalo Mjema
Magonjwa ya moyo na Shinikizo la damu: Dr Hussein Manji
Saratani: Dr. Mathew Cosmas
Ujauzito na Magonjwa ya Wanawake: Dr. Walter Msirikale

About Us

Daktari Mkononi is a platform that contains health related information and connects health personnels and the society. Made by a group of medical students and overseen by doctors with love and passion to ensure healthy lives 🙂

CONTACT

Email:
daktarimkononi@gmail.com

SMS:
+255684159117
+255768256424

Whatsapp:
+255688636717

Subscribe

Tuandikie email yako tukutumie mada mbali mbali za afya uzipendazo.

Recent Posts

Upcoming Event

Homa ya Kichaa cha Mbwa | 28th September

Upcoming Show