Je, kuna madhara gani kufanya mapenzi kinyume na maumbile(anal sex)?

Pengine umewahi jiuliza swali kama hili ama umewahi sikia mtu mwingine akiuliza au pengine ni mara yako ya kwanza kukutana na swali hili, hilo lisikupe tabu hata kidogo mpenzi msomaji wetu wa makala zetu za afya ndani ya daktari mkononi kwani leo tutajifunza pamoja madhara yaambatanayo na kufanya mapenzi kinyume na maumbile, karibu sana.

Kufanya mapenzi kinyume na maumbile ni nini hasa?

Tunaposema kufanya mapenzi kinyume na maumbile tunamaanisha kufanya mapenzi kupitia njia ya haja kubwa badala ya uke.

Je, hili jambo lipo kwenye jamii yetu?

Ndani ya jamii yetu ya kitanzania kufanya mapenzi mapenzi kinyume na maumbile ni mwiko na jambo hili limekuwa likikemewa vikali na tamaduni zetu, dini na sheria za nchi. Lakini ni ukweli usiopingika kuwa kutokana na utandawazi jambo hiki tulilokuwa tunalisikia kwenye nchi za magharibi linazidi kukita mizizi kwenye jamii yetu. Pengine hii pia imechangiwa na udadisi wa kutaka kujaribu mambo mapya au pengine  kuigana miongoni mwa vijana wengi. Hivyo basi ni jambo la msingi kujifunza madhara ya aina hii ya ngono.

Madhara makuu ya kufanya mapenzi kinyume na maumbile.

Madhara ya ufanyaji mapenzi kinyume na maumbile yanatokana na utofauti wa asili baina ya njia ya haja kubwa na uke, njia ya haja kubwa siyo maalum kwa ajili ya shughuli ya kufanya mapenzi hivyo una muundo na asili tofauti kabisa na uke ambao ni maalum kwa shughuli hiyo. Hivyo basi madhara makubwa ni pamoja na:-

1.Maambukizi sugu ya njia ya mkojo (UTI).

Njia ya haja kubwa ina idadi kubwa ya aina mbalimbali za bakteria ambao hukua na kuzaliana katika eneo hili. Bakteria hawa huingia katika njia ya mkojo ya mwanaume wakati wa tendo, na baada yakuingia husababisha maambukizi katika njia ya mkojo. Pia wanawake hupata maambukizi haya sugu kutokana hasa na tabia ya kutoa uume  katika njia ya haja kubwa kuuingiza moja kwa moja kwenye uke wakati wa tendo,hii hupelekea usafirishaji wa bakteria hawa kutoka sehemu ya haja hadi kwenye njia ya mkojo ya mwanamke. Maambukizi haya huambatana na maumivu makali wakati wa kukojoa.

2.Michaniko na michubuko.

Kutokana na njia ya haja kubwa kukosa umajimaji uliopo katika uke kwa ajili ya kurahisisha muingiliano,kufanya mapenzi kwa njia ya haja kubwa hupelekea michubuko na michaniko ambayo huongeza maradufu hatari ya kupata magonjwa ya zinaa kama vile kaswende, kisonono, klamadia na HIV/AIDS.

3.Kulegea kwa misuli ya haja kubwa.

Misuli ya njia ya haja kubwa haina uwezo wa kutanuka na kujirudi kama ile ya uke. Hivyo kufanya mapenzi kwa njia ya haja kubwa hupelekea kulegea kwa misuli hii hivo kushindwa kufanya kazi zake za kawaida, hii hupelekea kupungua kwa uwezo wa kukaa na haja kubwa (fecal incontinence), pia hali hii inaweza leta ugumu kwa wanawake wajawazito wakati wa kujifungua linapokuja suala la kubana pumzi.

4.Saratani ya njia ya haja kubwa(colon cancer).

Pia kufanya mapenzi kwa njia huongeza hatari ya kupata saratani ya njia ya haja kubwa  ijulikanayo kitaalamu kama colon cancer.

5.Kuziba njia ya mkojo

Pia kutokana na uchafu uliopo katikq njia ya haja kubwa, uchafu huo unapoingia katika njia ya mkojo(urethra) huweza kupelekea kuziba kwa njia ya mkojo hivyo kupelekea maumivu na maambukizi katika mfumo wa mkojo.

6.Magonjwa ya kibofu na figo.

Hii hutokana na maambukizi sugu katika njia ya mkojo(UTI) baadaye hupelekea magonjwa ya kibofu kama vile uvimbe na saratani ya kibofu, pia maambukizi kwenye figo hupelekea figo kushindwa kufanya kazi hali ambayo huweza kupelekea kifo.

Ndugu mpenzi msomaji ni matumaini yangu kuwa umepata kitu katika makala ya siku ya leo, kama una swali ama dukuduku lolote timu ya daktari mkononi tunapenda kusema kwamba usisite kuwasiliana nasi kwani muda wote tupo kwa ajili yako wakati wowote katika simu ya kiganjani mwako. Tuonane tena wiki ijayo katika makala za afya ya uzazi hapahapa ndani ya daktari mkononi.

tembelea daktari mkononi kila siku kwa Makala motomoto za afya.

6 thoughts on “Je, kuna madhara gani kufanya mapenzi kinyume na maumbile(anal sex)?

    1. Asante geofrey kwa swali zuri…Kasi ya maambukizi ya ukimwi ni kubwa ukilinganisha na ile inayotokana na kufanya mapenzi kwa njia ya uke, hii ni kutokana na michubuko na michaniko ambayo ni rahisi sana kutokea katika njia ya haja au kwenye uume kutokana na msuguano mkubwa unaokuwepo hivyo kuongeza hatari ya kupata maambukizi ya Ukimwi.

  1. Kama uyanenayo ni kweli na hakika, kwa nini watu wa magharibi (wenye uelewa mwingi wa sayansi na hata maana ya maadili) wanakubaliana na mapenzi kinyume na maumbile na hata mambo ya LGBTQ

    .

    Je kitendo cha kutokuhalalisha haya mambo katika
    Jamii yetu si ukiukwaji wa haki za binadamu?

    1. Asante ndugu eliezer kwa swali…kuhusu suala la ukweli: madhara yaliyoandikwa katika makala hii ni matokeo ya tafiti mbalimbali za kitaalam ambazo zimekuwa zikifanyika maeneo mbalimbali duniani. Hivyo basi madhara ya kiafya ya aina hii ya ngono yapo na ni hakika. Suala la kukubaliana au kutokukubaliana na aina aina hii ya ngono hakuondoi madhara ya kiafya, pia lengo kuu la timu yetu ya daktari mkononi ni kutoa elimu za afya ili kuweza kujenga jamii yenye afya bora.
      Pia suala la maadili siyo sawa kwa kila eneo duniani(not universal) na katika nchi yetu kuna vyombo maalum vipo kwa ajili ya kuangalia maadili ya mtanzania.
      Kuhusu la kuhalalishwa au kutohalalishwa hili jambo lipo katika sheria na taratibu za nchi na kuna mamlaka zinazohusika na mambo hayo,hivyo sisi kama timu ya DM hatuwezi lizungumzia maana siyo lengo letu.
      Asante endelea kutembelea daktari mkononi tuendelee kujifunza zaidi makala mbalimbali za afya.

  2. Asanye kwa Elimu hii.
    Nna swali kwenye saratani ya njia ya haja kubwa…Je kufanya mapenzi ni moja kati ya visababishi (risk factor) na inatokeaje kisayansi?

    1. Asante mwamakula kwa swali lako zuri…Ndiyo kufanya mapenzi kinyume na maumbile ni moja kati ya risk factors…tafiti zinaonyesha kuwa ufanyaji mapenzi kinyume na maumbile huongeza hatari ya kupata maambukizi katika njia ya haja kubwa ya virus aina ya papiloma(human papilloma virus-HPV) ambao ni moja ya virus wasababishao cancer kwa mwanadamu.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.