Nataka kupunguza uzito bila kufanya mazoezi, je inawezekana?

Asilimia   yetu  kubwa tunataka  kupungua  lakini  mazoezi  huwa  ni kikwazo kwetu  kutokana  na majukumu tuliyonayo au ukosefu wa msukumo  ndani yetu  wa kufanya mazoezi.

Zifuatazo ni njia za kupunguza uzito pasipo kufanya mazoezi.

1.Kula chakula chenye protini kwa wingi.

Protini katika mwili hufanya kazi ya  kusaidia homoni  zinazoshibisha  na kukufanya ukinai  kwa haraka ,hivyo  kupunguza njaa na hukufanya ule chakula kidogo,mfano wa vyakula venye protini ni kama vile mayai,samaki,maziwa,nyama,jamii ya kunde kama vile soya,maharage

2.Kunywa maji mara kwa mara

Haswa kabla ya mlo wako,hii husaidia ule chakula kidogo ,vilevile pendelea kunywa maji yenye uvugu vugu haswa unapoamka asubuhi.Maji ya uvuguvugu huongeza joto mwilini na  kuongeza kasi ya kumeng’enya chakula  hivyo kupunguza mafuta mwilini,hatimaye na uzito kupungua pia.

3.Hakikisha unatafuna chakula chako vizuri na kwa taratibu.

Ubongo wako unahitaji mda wa kutosha kukubali kwamba ulichokula kinakutosha na hauhitaji nyongeza,hivyo basi itakufanya ule kidogo na utosheke kwa haraka zaidi.

4.Pata usingizi wa kutosha na upunguze msongo wa mawazo. 

Inapokuja katika swala la afya ,wengi wetu huwa tunaweka usingizi na msongo wa mawazo pembeni.Hivi viwili vina nguvu kubwa katika  hamu ya chakula pamoja  na uzito.

Ukosefu wa usingizi  pamoja na usongo wa mawazo huingiliana na kazi za homoni zinazokupa hamu ya chakula ,na hivyo basi huongeza  hamu ya vyakula visivyo na afya,mbali zaidi hukuhatarisha na magonjwa yasioambukizwa.

5.Achana na vinywaji venye sukari

Ni rahisi sana kuongeza uzito kupitia vinywaji venye sukari kwa maana ni vinywaji vya hamu tu,lakini zina kalori kubwa .

Ukweli ni kwamba kupunguza uzito  huchangiwa  kwa  kiwango kikubwa na mfumo wetu wa maisha haswa  mlo na asilimia ndogo na mazoezi.